Вирустарға қарсы күрестегі қолдауым!
Гроприносин®
Жоқ
Таблеткалар, 500 мг
Бір таблетканың құрамындағы
белсенді зат - инозин пранобекс 500 мг,
қосалқы заттар: картоп крахмалы, повидон К-25, магний стеараты
Пішіні сопақ, бетінің екі жағы да шығыңқы, түсі ақ түстен ақшыл сарыға дейін, бір жақта бөлуге арналған сызықізі бар, ұзындығы 17 мм және ені 7 мм таблеткалар.
Жүйелі қолдануға арналған инфекцияға қарсы заттар. Жүйелі қолдануға арналған вирусқа қарсы заттар. Вирусқа қарсы тікелей әсер ететін препараттар. Вирусқа қарсы өзге де препараттар. Инозин Пранобекс
Коды ATХ J05AX05
Фармакокинетикасы
Сіңіруі: ішке қабылданған кезде инозин пранобекс асқазан-ішек жолдарынан тез және толығымен дерлік сіңіріледі (≥ 90%). Препараттың биожетімділігі шамамен 90% құрайды.
Таралуы: N,N – диметиламино-2-пропанол (DIP) келесі мүшелерде мөлшері азайған тәртіппен анықталады: бүйрек, өкпе, жүрек, көкбауыр, ұйқы безі, ми және қаңқа бұлшық еттері.
Биологиялық өзгеруі: 1 г дозада ішке қабылданғаннан кейін қан плазмасындағы DIP (N,N – диметиламино-2-пропанол) концентрациясы 3,7 мкг/мл (2 сағаттан кейін), ал РАсВА (парааминобензой қышқылы) – 9,4 мкг/мл (1 сағаттан кейін) құрайды. Ішке қабылдағаннан кейін несеп қышқылы концентрациясының максималды артуы сызықты емес сипатқа ие және 1-3 сағат ішінде ±10% шегінде ауытқуы мүмкін. Негізгі метаболиттер РАсВА үшін о-ацилглюкуронид болып табылады, ал N,N – диметиламино-2-пропанол N-оксидке дейін зат алмасады.
Шығарылуы: инозин және оның метаболиттері бүйрекпен бөлінеді. РАсВА және оның негізгі метаболитінің тәуліктік экскрециясы инозин пранобексті тәулігіне 4 г дозасында қабылдаған кезде тепе-теңдік кинетика жағдайында шамамен 85% құрайды. DIP және оның N-оксидінің 95%-ы несепте өзгермеген түрінде анықталады. Жартылай шығарылу кезеңі DIP үшін 3,5 сағат және РАсВА үшін 50 минут құрайды.
Фармакодинамикасы
Гроприносин® препаратының белсенді заты - инозин пранобекс иммунтүрлендіруші және тікелей вирусқа қарсы қасиеттеріне ие болатын пуриннің синтетикалық туындысы болып көрінеді. Инозин пранобекс – құрамында 1:3 молярлық арақатынаста N,N – диметиламино-2-пропанол (DIP) бірге инозин және 4-ацетамидобензой қышқылының тұзы (PAcBA) бар кешен.
Осы кешеннің фармакологиялық белсенді заты – инозин, ал кешеннің екінші компоненті - пранобекс лимфоциттер және басқа жасушалар үшін оның биологиялық жетімділігін ұлғайтады.
Инозин пранобекс Т-лимфоциттердің пісуін, сондай-ақ митогенмен немесе антигенмен белсендірілген жасушаларда ықпалдандырылған лимфопролиферативтік жауаптың саралануын және күшеюін іске қосатын Тһ1 жауабын белсендіру есебінен жасушалармен жанамаланған жеткіліксіз немесе бұзылған иммундық жауапты қалпына келтіреді. Ұқсас түрде препараттың цитоуытты Т-лимфоциттерінің және NK-жасушалардың белсенділігіне, Т8-супрессорлардың және Т4-хелперлердің жасушалық функцияларына ынталандырушы әсер ететіні, сондай-ақ IgG-ге және комплементке беттік рецепторлардың санын ұлғайтатыны көрсетілген. Инозин пранобекс ИЛ-1, ИЛ-2 цитокиннің өндірісін және ИЛ-4 рецепторларының экспрессиясын арттырады. Препарат айтарлықтай дәрежеде эндогендік ИФН-ү секрециясын ұлғайтады және ИЛ-4 қабынуға қарсы цитокиндерінің өндірісін төмендетеді. Сонымен қатар нейтрофилдердің, моноциттердің және макрофагтардың хемотаксисін, сондай-ақ фагоцитозды күшейтетіні көрсетілген болатын.
Инозин пранобекс РНҚ төмендетілген синтезінің және лимфоциттердегі транскрипция көрсеткіштерінің күшеюіне ықпал етеді.
- иммунитеті әлсіреген және жоғары тыныс жолдарының қайталамалы инфекциялары бар тұлғаларды қосымша емдеу әдісі
Қолдану тәсілі және дозалар
Тек ішке қабылдауға арналған. Қабылдауды жеңілдету үшін таблеткаларды уатып кішкене мөлшер суда ерітуге болады.
Дозасы пациенттің дене салмағына және ауру ауырлығына байланысты анықталады. Тәуліктік дозасы күніне бірнеше рет қабылдау үшін тең бөліктерге бөлінуі тиіс. Емдеу ұзақтығы әдетте 5-14 күн құрайды. Препаратты қабылдауды симптомдардың көрінімі азайғаннан кейін тағы 1-2 күн ішінде жалғастыру керек. Егер 5 - 14 күннен кейін жағдайы жақсармаса немесе нашар болса, пациент емдеуші дәрігермен байланысуы тиіс.
Ересек пациенттерде, оның ішінде егде жастағы адамдарда ұсынылатын тәуліктік доза дене салмағының кг-на 50 мг құрайды, яғни 6-8 таблетка немесе тәулігіне 2 таблеткадан 3-4 рет.
Максималды дозасы тәулігіне 4 г (8 таблетка) құрайды.
6 жастан асқан балаларда тәуліктік доза бірнеше рет қабылдауға тағайындалатын дене салмағының кг-на 50 мг құрайды немесе келесі кестені пайдалануға болады:
| Дене салмағы | Тәуліктік доза |
|---|---|
| 10 - 14 кг | 1 - 1,5 таблетка |
| 15 - 20 кг | 1,5 - 2 таблетка |
| 21 - 30 кг | 2 - 3 таблетка |
| 31 - 40 кг | 3 - 4 таблетка |
| 41 - 50 кг | 4 - 5 таблетка |
6 жастан кіші балаларда қолдану үшін шәрбат түріндегі Гроприносин бар.
Өте жиі (≥1/10 бастап)
- қандағы несеп қышқылының концентрациясының көтерілуі, несептегі несеп қышқылының концентрациясының көтерілуі
Жиі (≥1/100 бастап <1/10 дейін)
- бас ауруы, вертиго (жүйелі бас айналуы), шаршағыштық, дімкәстік.
- жүрек айну, құсу, эпигастралдық аймақтағы жайсыздық
- қышу, бөртпе
- артралгия
- трансаминаза, сілтілі фосфатаза белсенділігінің артуы немесе қан несепнәрі азотының (ҚНА) мөлшерінің артуы
Жиі емес (≥1/1 000 бастап <1/100 дейін)
- күйгелектеу, ұйқышылдық немесе ұйқысыздық
- іш өту, іш қату
- полиурия (бөлінетін несеп көлемінің артуы)
Жиілігі белгісіз (бар деректер негізінде бағалау мүмкін емес)
- бас айналуы
- ангионевроздық ісіну, аса сезімталдық реакциялары, есекжем, анафилаксиялық реакциялар, анафилаксиялық шок
- эпигастр аймағындағы ауырсыну
- эритема
Осы препаратқа жағымсыз дәрілік реакцияларға күмәндіктер туралы хабарлау қажет. Бұл осы дәрілік зат үшін «пайда/қатер» арақатынасына мониторинг жүргізуді жалғастыруға мүмкіндік береді. Денсаулық сақтау саласының қызметкерлерін ұлттық хабардар ету жүйесін пайдалана отырып жағымсыз реакцияларға барлық күмәндіктер туралы хабарлауды сұрайды
Аталған ЖДР, сондай-ақ осы нұсқаулықта көрсетілмеген реакциялар пайда болуы немесе нашарлауы туралы дәрігерге хабарлау керек.
- препараттың кез келген компонентіне аса сезімталдығы
- жіті подагра ұстамасы, сондай-ақ қанында және несебінде несеп қышқылының концентрациясы көтеріңкі пациенттер
- несеп-тас ауруы
- жүктілік және сүттену кезеңі (қолдану тәжірибесі жоқтығына байланысты)
- 6 жасқа толмаған балалар
Дәрілік өзара әрекеттесулер
Гроприносинді® ксантиноксидаза тежегіштерін (мысалы, аллопуринолды) бір мезгілде қабылдайтын пациенттерде немесе несеппен несеп қышқылының бөлінуін арттыратын препараттармен, оның ішінде тиазидтік те (мысалы, гидрохлоротиазид, хлорталидон, индапамид), ілмектік те (фуросемид, торасемид, этакрин қышқылы) несеп айдатқылармен бірге абайлап қолдану керек.
Гроприносинді® иммуносупрессорлармен емдеуді тоқтатқан кезде немесе одан кейін қолданбау керек, себебі оларды бір мезгілде қолдану Гроприносин® препаратының терапевтикалық әсеріне оның фармакокинетикасын өзгерту жолымен әсер етуі мүмкін.
Гроприносин® препаратын және азидотимидинді бір мезгілде қолдану кезінде зидовудиннің әсерін күшейту есебінен нуклеотидтердің түзілуі ұлғаяды, мысалы, азидотимидиннің биожетімділігін арттыру және моноциттерде жасушаішілік фосфорлауды ұлғайту салдарынан Гроприносин® зидовудиннің әсерін күшейтеді.
Гроприносин® препараты қан және несеп сарысуында несеп қышқылының концентрациясының, әдетте, қалыпты диапазон шегінде (0,18-0,42 ммоль/л), әсіресе ерлерде және екі жыныстағы егде адамдарда уақытша артуын тудыруы мүмкін.
Несеп қышқылы концентрациясының артуы оның түзілуіндегі инозиннің катаболизмдік метаболизмімен негізделген, бірақ ферменттің негізгі функцияларының өзгеруіне немесе бүйрек клиренсіне байланысты емес. Сондықтан Гроприносинді® анамнезінде подагра, қандағы, несеп қышқылы деңгейінің артуы, несеп тастары бар және бүйрек функциясы бұзылысы бар науқастарда сақтықпен қолдану керек. Бұл пациенттерде емдеу кезінде несеп қышқылының деңгейін мұқият бақылап отыру керек.
Гроприносин® препаратымен ұзақ емдеген кезде (3 айдан астам) әрбір пациентте қан сарысуындағы және несептегі несеп қышқылының концентрациясын, жалпы қан талдауының көрсеткіштерін, бауыр мен бүйрек функциясын (трансаминазалардың белсенділігі, креатинин деңгейі) жүйелі түрде бақылап отыру керек.
Ұзақ ем қабылдайтын пациенттерде несепағар тастарының пайда болу мүмкіндігі бар.
Кейбір пациенттерде аса сезімталдықтың ауыр реакциялары (есекжем, ангионевроздық ісіну, анафилаксия) дамуы мүмкін. Мұндай жағдайларда Гроприносин® препаратымен емдеуді тоқтату керек.
Жүктілік кезінде немесе сүттену кезінде
Гроприносин® препаратын жүктілік кезінде және емшекпен емізу кезеңінде қолдануға болмайды, өйткені қолдану қауіпсіздігі зерттелмеген. Инозин пранобекстің емшек сүтіне енетіні белгісіз.
Препараттың көлік құралын немесе әлеуетті қауіпті механизмдерді басқару қабілеттігіне әсер ету ерекшеліктері.
Көлік құралдарын немесе басқа механизмдерді басқару кезінде препараттың реакция жылдамдығына әсері зерттелмеген. Инозин пранобекс фармакодинамикасын ескере отырып, бұл дәрілік препараттың автомобильді басқару және механизмдерді пайдалану қабілетіне әсер етуі екіталай.
Гроприносин® артық дозалануының бірде-бір жағдайы тіркелмеген. Симптомдары: артық дозаланған жағдайда қан сарысуында және несепте несеп қышқылы концентрациясының жоғарылауы күтіледі.
Емі: демеуші және симптоматикалық ем қабылдау.
10 таблеткадан ПВХ/ПЭ/ПВДХ үлдірінен және алюминий жұқалтырдан жасалған пішінді ұяшықты қаптамаға салады.
2 немесе 5 пішінді ұяшықты қаптамадан мемлекеттік және орыс тілдерінде берілген медициналық қолдану жөніндегі нұсқаулықпен бірге картон қорапшаға салады.
25 0С аспайтын температурада сақтау керек.
Балалар жетпейтін жерде сақтаңыз!
3 жыл
Жарамдылық мерзімі өткеннен кейін қолдануға болмайды.
Рецептсіз
«Гедеон Рихтер Польша» ЖШҚ, Польша
«Гедеон Рихтер» ААҚ, Венгрия
«Гедеон Рихтер Польша» ЖШҚ, Польша
Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефоны, факсы, электрондық поштасы):
ҚР-нда «Гедеон Рихтер» ААҚ өкілдігі, Алматы қ., Төле би көш. 187
E-mail: info@richter.kz
Телефон: 8-(7272)-58-26-22, 8-(7272)-58-26-23
Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефоны, факсы, электрондық поштасы):
ҚР-нда «Гедеон Рихтер» ААҚ өкілдігі, Алматы қ., Төле би көш. 187
E-mail: pv@richter.kz
Телефон: 8 (7272) 58-26-22, 8 (7272) 58-26-23, 8 701 787-47-01